பிரதான செய்திகள்

தோல்விகளிலிருந்து பாடம் கற்றுக் கொள்ளாமல் ஒரு தோல்வியிலிருந்து இன்னொரு தோல்வி என அணி சென்று கொண்டிருக்கிறது என்று இலங்கை வேகப்பந்து வீச்சாளர் லஷித் மலிங்கா சக இலங்கை வீரர்களைச் சாடியுள்ளார்.

இன்று இலங்கை அணி ஆப்கானிஸ்தான் அணியை எதிர்த்து ஆடுகிறது. இந்நிலையில் நேற்று இலங்கை செய்தியாளர்களைச் சந்தித்த லஷித் மலிங்கா, “கடந்த ஒன்று அல்லது 2 ஆண்டுகளாக தோற்க வேண்டியது பிறகு தோல்வியை மறப்போம் அடுத்த போட்டிக்கு நகர்வோம் அதில் நன்றாக ஆடுவோம் என்போம் இப்படித்தான் போய்க் கொண்டிருக்கிறது. கிரிக்கெட்டை இப்படி ஆட முடியாது.

தோல்விகளிலிருந்து பாடங்களைக் கற்றுக் கொள்ள வேண்டும், தோல்விகளை மறப்பதில் எந்த ஒரு பயனும் இல்லை. நான் 4 உலகக்கோப்பைத் தொடர்களில் ஆடியுள்ளேன், இருந்தும் எனக்கு ஆப்கான் அணிக்கு எதிரான போட்டி குறித்த பயம் இருக்கிறது. இது போன்று பயம், பதற்றம் இல்லாத வீரர்களிடமிருந்து 100% பங்களிப்பு எதிர்பார்ப்பது கடினம். அவர்கள் யோசிக்க வேண்டும் 100% பங்களிப்பு செய்யவில்லையா நாம் அணிக்கு நீதி செய்யவில்லை என்பதை அவர்களே உணர வேண்டும்.

அனைத்து வீரர்களும் தங்கள் தவறுகளை உணர வேண்டும். செய்த தவறுகளையே திரும்பத் திரும்ப செய்தால் எப்படி? அணியின் மூத்த வீரராக நான் கூறுவதெல்லாம் ஒவ்வொருவரும் கடமையைச் சரியாகச் செய்யாத போது பயம் ஏற்பட வேண்டும். தோல்வி குறித்து வெட்கப்பட வேண்டும். நாம் சிறப்பாக ஆடியே ஆக வேண்டும் என்பதை ஒவ்வொருவரும் உணர வேண்டும், இல்லையெனில் நம் கிரிக்கெட் முன்னேறாது.

நாட்டைப் பிரதிநிதித்துவம் செய்ய தேர்வு செய்யப்பட்ட சிறந்த 15 வீரர்கள் இவர்கள், ஆகவே இவர்கள் இனி பயத்துடன் ஆடுவார்கள் என்று நினைக்கிறேன். வெறும் பயணிகளாக முடிந்து விடக்கூடாது. பலதரப்பட்ட ஆட்டச்சூழல்களை கருத்தில் கொண்டு களத்தில் ஆடும்போது ஒருவரை ஒருவர் அனுசரித்து ஒத்துழைப்புடன் ஆடுவது அவசியம்.

வீரர்களுக்கு தன்னம்பிக்கை அவசியம், இந்தத் தருணத்தில் நாம் திறன்களை வளர்த்துக் கொள்ள முடியாது, ஆனால் மன ரீதியாக கடினமாக வேண்டும்.

நம் டாப் 7 மட்டையாளர்கள் பொறுப்பை ஏற்றுக் கொள்ள வேண்டும். பொறுமை மிக அவசியம். இந்தச் சூழ்நிலை நமக்குத் தெரியும் யாராவது ஒருவர் டாப்பில் 60-70 ரன்களை எடுக்க வேண்டும்.” என்று பொரிந்து தள்ளினார் மலிங்கா.

ஹீரோ முகமது நபி.
கார்டிப்பில் நடைபெற்று வரும் இலங்கை- ஆப்கான் அணிகளுக்கு இடையிலான உலகக்கோப்பைப் போட்டியில் முகமது நபியின் ஒரே ஓவரில் இலங்கை இன்னிங்சில் திருப்பு முனை ஏற்பட அந்த அணி 36.5 ஓவர்களில் 201 ரன்களுக்கு அனைத்து விக்கெட்டுகளையும் இழந்தது.

ஆட்டம் சுமார் 2 மணி நேரங்களுக்கு மேல் மழையால் பாதிக்கப்பட்டதால் ஆட்டம் 41 ஒவர்களாகக் குறைக்கப்பட்டது, இதனையடுத்து இலங்கை 201 ரன்களுக்குஆல் அவுட் ஆனதால் ஆப்கான் அணிக்கு டக்வொர்த் லூயிஸ் முறைப்படி இலக்கு 187 ரன்களாக நிர்ணயிக்கப்பட்டுள்ளது.

92/0 என்று அபாரத் தொடக்கம் கண்டு பிறகு 144/1 என்ற நிலையில் முகமது நபியின் ஒரே ஓவர் இலங்கையின் தலைவிதியை மாற்றி போட்டது. முன்னதாக கருண ரத்னே விக்கெட்டை 30 ரன்களுக்கு வீழ்த்திய நபி, ஒரே ஓவரில் 3 விக்கெட்டுகளைக் கைபப்ற்ற இலங்கை அணி 146/4 என்று ஆனது.

அதிர்ச்சியடைந்த இலங்கை அணிக்காக உதிரிகள் வகையில் சேர்ந்த ரன்களே இரண்டாவது அதிக எண்ணிக்கையாக இருந்த போது மழை குறுக்கிட்டது.

22வது ஓவரில் முகமது நபி, முதலில் திரிமானேவை 25 ரன்களில் பவுல்டு செய்தார், ப்பிறகு குசல் மெண்டிஸ் ரஹம்த ஷாவிடம் ஸ்லிப்பில் கேட்ச் ஆனார், அடுத்ததாக ஆஞ்சேலோ மேத்யூசும் டக் அவுட் ஆகி ஷாவிடம் கேட்ச் ஆனார். மிகப்பிரமாதமான அந்த ஓவரில் இலங்கை அணி அதிர்ச்சியடைந்தது.

இதோடு நிற்காமல் வேகப்பந்து வீச்சாளர் ஹமித் ஹசன், தனஞ்ஜெய டிசிவால்வை விக்கெட் கீப்பர் ஷசாத் கேட்சுக்கு வீழ்த்த கடும் சிக்கலில் இலங்கை தத்தளித்தது.

திசர பெரேரா ரன் அவுட் ஆக, இசுரு உதனா தவ்லத் சத்ரான் பந்தில் 10 ரன்களுக்கு பவுல்டு ஆனார் ரஷீத் கான் அருமையாக வீசி விக்கெட் கிடைக்காத நிலயில் இலங்கை அணியின் டாப் ஸ்கோரர் குசல் பெரேராவை 78 ரன்களில் விக்கெட் கீப்பர் கேட்சுக்கு பெவிலியன் அனுப்பினார்.

மழை குறுக்கிட்டது. அப்போது இலங்கை 182/8 என்று தடுமாறியது. முகமது நபி 9 ஓவர்களில் 30/4 என்று பிரமாதப்படுத்தினார்.

மழை முடிந்து திரும்பிய பிறகு 201 ரன்களுக்கு 36.5 ஒவர்களில் இலங்கை அணி மடிந்தது. எக்ஸ்ட்ராஸ் வகையில் 35 ரன்கள். இதில் ஆப்கான் பவுலர்கள் 22 வைடுகளை வீசி சொதப்பினர். ரஷீத் கான் 7.5 ஓவர் 18 ரன்களுக்கு 2 விக்கெட், தவ்லத் ஸத்ரான் 2 விக்கெட்டுகளையும் ஹமித் ஹசன் 1 விக்கெட்டையும் வீழ்த்த நபி 4 விக்கெட்டுகளைக் கைப்பற்றினார்.

தொடர்ந்து ஆடிவரும் ஆப்கான் அணி நன்றாகத் தொடங்கியது ஆனால் இலங்கை பதிலடியில் 3 விக்கெட்டுகளை இழந்து 46 ரன்களை எடுத்துள்ளது, வெற்றிபெற 141 ரன்கள் தேவை 7 விக்கெட்டுகள் கையில் உள்ளன.

ஐக்கியம், சமாதானத்தில் முஸ்லிம்களுக்குள்ள விருப்பத்தை, ஏனைய சமூகத்தினர் புரிந்து கொள்ளும் சுமுக நிலை உருவாகப் பிரார்த்திப்பதாக அகில இலங்கை மக்கள் காங்கிரஸ் தலைவர் ரிஷாட் பதியுதீன், தனது பெருநாள் வாழ்த்துச் செய்தியில் தெரிவித்துள்ளார்.



அவரது வாழ்த்துச் செய்தியில் தெரிவிக்கப்பட்டுள்ளதாவது;


எவரும் எதிர்பாராது நடத்தப்பட்ட பயங்கரவாதத் தாக்குதல்களால் முஸ்லிம்களின் இயல்பு வாழ்க்கை நெருக்கடிகளுக்குள்ளாகி உள்ளது.ஒரு சிலரின் கொடிய கோட்பாடுகளை.இஸ்லாத்துடன் இணைக்கும் சில மத நிந்தனையாளர்களின் போக்குகளும் முஸ்லிம்களை வேதனைப்படுத்துகின்றன. 


தாய் நாட்டுடன் ஒன்றித்துப் பயணிக்கும் முஸ்லிம்களின் அபிலாஷைகளைத் திசை மாற்றிவிடவே இத்தீய சக்திகள் முயற்சிக்கின்றன. இவர்களின் இக்கெடுதல் நோக்கங்களுக்கு பெரும்பான்மை ஊடகங்கள் சில கைகொடுத்துள்ளமை சமூக, சமயங்களுக்கு இடையிலான நல்லிணக்கத்தை ஏற்படுத்தும் அரசின் முயற்சிகளையும் பாதித்துள்ளது. இது குறித்து அரசாங்கம் அவசரமாகக் கவனம் செலுத்த வேண்டியுள்ளது. என்ன கெடுதல்கள் ஏற்படினும் ரமழானின் பயிற்சியில் பெற்றுக் கொண்ட பொறுமையை முஸ்லிம்கள் தொடர்ந்தும் கடைப்பிடிப்பதே எமக்கு எதிரான விரோதிகளைத் தோற்கடிக்க உதவும்.


முஸ்லிம்களின் பொருளாதாரத்தை அழிக்கத் திட்டமிட்டுள்ள கடும்போக்கர்களின் ஆத்திரமூட்டும் செயற்பாடுகளுக்குப் பலியாகி எம்மை,நாமே அழித்துக் கொள்ளும் சூழலை ஏற்படுத்திவிடக் கூடாது. புனித ரமழானில் முஸ்லிம்கள் கையேந்திக் கேட்ட அனைத்துப் பிரார்த்தனைகளையும் அல்லாஹ் பொருந்திக் கொள்வானாக. சிறு காரணங்களுக்காகவும் அநியாயமாகவும் கைதாகியுள்ள எமது சகோதரர்களை விடுவிப்பதற்கான சட்ட ஆலோசனைகளைப் பெறுவதில் எமது சமூகம் கூட்டாகச் செயற்பட வேண்டியுள்ளது. இந்தக் கூட்டுச் செயற்பாடுகள் எம்மில் எஞ்சியுள்ள பயங்கரவாதிகளையும் பூண்டோடு ஒழிப்பதற்கும் பங்காற்ற வேண்டுமென்பதே எனது விருப்பமாகும்.

எனவே நாட்டின் தற்போதைய நிலைமை சீரடையவும் கைதாகியுள்ள அப்பாவி முஸ்லிம்களின் விடுதலைக்காகவும் விசேட துஆப்பிரார்த்தனைகளில் ஈடுபடுவதும் எமது சமூகத்திற்கு அவசியமாகிறது.

அனைவருக்கும் இனிய ஈதுல் பித்ர் நோன்புப் பெருநாள் வாழ்த்துக்கள்.

ஷவ்வால் பிறை தென்பட்டது. நாளை இலங்கையில் நோன்புப் பெருநாள்.


இதனை அகில இலங்கை ஜம்மியத்துல் உலமா மற்றும் கொழும்பு பெரிய பள்ளிவாயல் அறிவித்துள்ளது .

ஆட்டநாயகன் விருது வென்ற டேவிட் வார்னர் : படம் உதவி ஐபிஎல்

டேவிட் வார்னரின் அதிரடி அரைசதம், ரஷித் கானின் திணறவைக்கும் லெக்ஸ்பின் ஆகியவற்றால், ஹைதராபாத்தில் நேற்று நடந்த 48-வது லீக் ஆட்டத்தில் கிங்ஸ் லெவன் பஞ்சாப் அணியை 45 ரன்கள் வித்தியாசத்தில் தோற்கடித்தது சன்ரைசர்ஸ் ஹைதராபாத்

இதன் மூலம் 12 ஆட்டங்களில் 6 வெற்றிகள், 6 தோல்விகள் என மொத்தம் 12 புள்ளிகளுடன் சன்ரைசர்ஸ் அணி 5-வது இடத்தில் இருக்கிறது. நிகர ரன்ரேட் அடிப்படையில் சன்ரைசர்ஸ் அணி நல்ல நிலையில் இருப்பதால், அடுத்து வரும் இரு ஆட்டங்களையும் கட்டாயம் வென்றால், ப்ளே-ஆப் சுற்றுக்கான வாய்ப்பு பிரகாசமாக இருக்கும். அதேசமயம், மற்ற அணிகளின் வெற்றி, தோல்விகளும் சன்ரைசர்ஸ் அணி ப்ளே-ஆப் சுற்றுக்குள் செல்வதையும் தீர்மானிக்கும்.

தவறவிடாதீர்

அதேசமயம், அஸ்வின் தலைமையிலான கிங்ஸ்லெவன் பஞ்சாப் அணி 12 ஆட்டங்களில் 5 வெற்றிகளையும், 7 தோல்விகளையும் பெற்று 10 புள்ளிகளுடன் 6-வது இடத்தில் உள்ளது. அடுத்துவரும் 2 ஆட்டங்களையும் கட்டாயம் அதிகமான ரன்ரேட் அடிப்படையில் வெல்ல வேண்டியது அவசியம். அவ்வாறு வென்றாலும், ரன்ரேட் அடிப்படையில் பார்க்கும் போது, ப்ளே-ஆப் சுற்றுக்கு செல்வதை உறுதி செய்ய முடியாது.

முதலில் பேட் செய்த சன்ரைசர்ஸ் அணி நிர்ணயிக்கப்பட்ட 20 ஓவர்களில் 6 விக்கெட் இழப்புக்கு 212 ரன்கள் குவித்தது. 213 ரன்கள் சேர்த்தால் வெற்றி எனும் இலக்குடன் களமிறங்கிய கிங்ஸ் லெவன் பஞ்சாப் அணி 20 ஓவர்களில் 8 விக்கெட் இழப்புக்கு 167 ரன்கள் சேர்த்து 45 ரன்களில் தோல்வி அடைந்தது.


3 விக்கெட்டுகளை வீழ்த்திய ரஷித் கான் : படம் உதவி ஐபிஎல் 

'ப்ளையிங் கிஸ்' வார்னர்

சன்ரைசர்ஸ் அணியின் தொடக்க ஆட்டக்காரர் டேவிட் வார்னரின் பேட்டிங், ரஷித் கானின் பந்துவீச்சு ஆகியவை வெற்றிக்கு முக்கியக் காரணமாகக் குறிப்பிடலாம். இந்த ஆட்டத்துடன் வார்னர் உலகக் கோப்பைப் போட்டிக்கு தயாராவதற்காக தன்னுடைய தாய்நாட்டுக்கு புறப்பட்டார். ஆட்டமிழந்து செல்லும் போது வார்னர் சொந்த மைதானத்தில் உள்ள ரசிகர்களுக்கு ப்ளையிங் கிஸ் கொடுத்துவிட்டு சென்றபோது, ரசிகர்கள் கரகோஷம் காதைப் பிளந்தது.

இந்த சீசனில் தன்னுடைய கடைசி ஆட்டம் சிறப்பாக இருக்க வேண்டும் என்று நினைத்த வார்னர், இந்த ஆட்டத்தில் 56 பந்துகளில் 86 ரன்கள் சேர்த்து ஆட்டநாயகன் விருதைப் பெற்றார். தொடர்ந்து இந்த சீசனில் 8-வது முறையாக வார்னர் அரைசதம் அடித்துள்ளார்.

கடந்த 2014-ம் ஆண்டு சன்ரைசர்ஸ் அணிக்கு சென்றதில் இருந்து கடந்த ஆண்டைத் தவிர்த்து மற்ற ஆண்டுகளில் எல்லாம் வார்னர் 500 ரன்களுக்கு குறையாமல் சேர்த்துள்ளார். தற்போதுவரை 12 ஆட்டங்களில் 692 ரன்கள் சேர்த்துள்ளார். இதில் ஒரு சதம், 8 அரை சதங்கள் அடங்கும்.


கேப்டன் வில்லியம்ஸனை முத்தமிட்ட கலீல் அகமது : படம் உதவி ஐபிஎல் 

இங்கு மட்டுமே காண முடியும்

சிறப்பாகப் பந்துவீசிய ரஷித் கான் 4 ஓவர்கள் வீசி 21 ரன்கள் விட்டுக்கொடுத்து 3 விக்கெட்டுகளைக் கைப்பற்றினார். கே.எல். ராகுல் சன்ரைசர்ஸ் கேப்டன் வில்லியம்ஸன் கேட்ச்பிடித்து ஆட்டமிழக்கச் செய்தார். வில்லியம்ஸன் கேட்ச் பிடித்ததும் அவரின் தலையில் முத்தமிட்டு கலீல் அகமது பாராட்டியது அழகு, மிகவும் உணர்வுப்பூர்வமாக இருந்தது. இதுபோன்ற நிகழ்வுகளை நிச்சயம் ஐபிஎல் போட்டியில் மட்டுமே காண முடியும்.

மோசமான பந்துவீச்சு

அஸ்வின் தலைமையிலான கிங்ஸ்லெவன் அணியில் நேற்றைய பந்துவீச்சும், பேட்ஸ்மேன்களின் செயல்பாடும் மிக மோசமாக இருந்தது. அந்த அணியின் தொடக்க பந்துவீச்சாளர் அர்ஷதீப் சிங், முஜிப் உர் ரஹ்மான் இருவரும் சேர்ந்ந்து 108 ரன்களை வாரி வழங்கினார்கள்.

ஐபிஎல் வரலாற்றில் தொடக்க பந்துவீச்சாளர்கள் இந்த அளவுக்கு மோசமாக பந்துவீசியது இதுதான் முதல் முறையாகும். அதிலும் முஜிப் உர் ரஹ்மான் 4 ஓவர்களில் 66 ரன்கள் வழங்கி ஐபிஎல் சீசனில் அதிகபட்ச ரன்களை வழங்கிய பந்துவீச்சாளர் என்ற பெயரைப் பெற்றார்.

பஞ்சாப் அணியில் மிகவும் எதிர்பார்க்கப்பட்ட கிறிஸ் கெயில் நேற்று 4 ரன்னில் ஆட்டமிழந்து ஏமாற்றம் அளித்தது அணிக்கு பெரும் பின்னடைவாக அமைந்தது. ராகுல் 79 ரன்கள் சேர்த்ததே அந்த அணிக்கு மிகப்பெரிய ஆறுதலாகும். மற்ற வீரர்கள் அனைவரும் ப்ளே-ஆஃப் வாய்ப்பு கிடைக்காதோ என்று தெரிந்து கொண்டு விளையாடியதுபோல் பொறுப்பின்றி பேட் செய்ததைக் காண முடிந்தது.

213 ரன்கள் சேர்த்தால் வெற்றி எனும் இலக்குடன் பஞ்சாப் அணி களமிறங்கியது. கெயில், ராகுல் ஆட்டத்தைத் தொடங்கினார்கள். கெயில் 4 ரன்கள் சேர்த்தநிலையில், கலீல் அகமது வீசிய 3-வது ஓவரில் பாண்டேயிடம் கேட்ச் கொடுத்து ஆட்டமிழந்தார்.

கெயில் ஏமாற்றம்

அடுத்துவந்த மயங்க் அகர்வால், ராகுலுடன் சேர்ந்து ஓரளவுக்கு நிதானமாக ரன்களைச் சேர்த்தார். பவர்ப்ளேயில் பஞ்சாப் அணி ஒரு விக்கெட் இழப்புக்கு 44 ரன்கள் சேர்த்தது. ரஷித்கான் வீசிய 8-வது ஓவரில் விஜய்சங்கரிடம் கேட்ச் கொடுத்து 27 ரன்கள் சேர்த்த நிலையில் மயங்க் அகர்வால் ஆட்டமிழந்தார். இருவரும் 2-வது விக்கெட்டுக்கு 60 ரன்கள் சேர்த்தனர்.

அதன்பின் வந்த நிகோலஸ் பூரன் வேகமாக ரன்களைச் சேர்த்தார். ரஷித் கான் வீசிய 11-வது ஓவரில் ஒருசிக்ஸர், 2 பவுண்டரிகள் சேர்த்து, 4-வது பந்தில் புவனேஷ்வரிட் கேட்ச் கொடுத்து 21 ரன்களில் பூரன் ஆட்டமிழந்தார்.

ரஷித் கான் வீசிய 13-வது ஓவரில் மில்லர் 11 ரன்னிலும், அஸ்வின் டக்அவுட்டிலும் அடுத்தடுத்து விக்கெட்டுகளை இழந்தது பஞ்சாப் அணியை மேலும் சிக்கலாக்கியது. விக்கெட்டுகள் ஒருபக்கம் வீழ்ந்தபோதிலும் நிதானமாக பேட் செய்த ராகுல் 38 பந்துகளில் அரைசதம் அடித்தார்.


அரைசதம் அடித்த ராகுல் : படம் உதவி ஐபிஎல் 

ராகுல் ஆறுதல்

6-வது விக்கெட்டுக்கு சிம்ரன் சிங், ராகுல் கூட்டணி ஓரளவுக்கு நிலைத்தனர். இருவரும்53 ரன்கள் சேர்த்துப் பிரிந்தனர். கலீல் அகமது பந்துவீச்சில் 56பந்துகளில் 79 ரன்கள் சேர்த்த நிலையில் ராகுல் ஆட்டமிழந்தார். அதன்பின் பஞ்சாப் அணியின் பேட்டிங் வரிசை ஆட்டம் கண்டது.

சந்தீப் சர்மா வீசிய கடைசி ஓவரில் சிம்ரன் சிங் 16 ரன்களிலும், முஜிப் உர் ரஹ்மான் டக்அவுட்டிலும் ஆட்டமிழந்தனர். கடைசி 7 ரன்களுக்குள் 3 விக்கெட்டை பஞ்சாப் அணி இழந்தது குறிப்பிடத்தக்கது. 20 ஓவர்களில் பஞ்சாப் அணி 8 விக்கெட் இழப்புக்கு 167 ரன்கள் சேர்த்து 45 ரன்களில் தோல்வி அடைந்தது.

வார்னர் அதிரடி



விரைவாக ரன்கள் சேர்த்த வார்னர், மணிஷ் பாண்டே கூட்டணி : படம் உதவி ஐபிஎல் 

முன்னதாக, டாஸ்வென்ற அஸ்வின் பீல்டிங்கைத் தேர்வு செய்தார். வார்னர், விர்திமான் சாஹா நல்ல தொடக்கம் அளித்தனர். குறிப்பாக வார்னர் முஜிப்உர்ரஹ்மான் பந்துவீச்சையும், அர்ஷ்தீப் சிங் பந்துவீச்சையும் வெளுத்துவாங்கி பவுண்டரி, சிக்ஸர்களாக விளாசினார். பவர்ப்ளே ஓவரில் சன்ரைசர்ஸ் அணி விக்கெட் இழப்பின்றி 77 ரன்கள் குவித்தது.

முருகன் அஸ்வின் வீசிய 7-வது ஓவரில் சாஹா 28 ரன்கள் சேர்த்தநிலையில், கீப்பர் சிம்ரன் சிங்கிடம் கேட்ச் கொடுத்து ஆட்டமிழந்தார். அடுத்து மணிஷ்பாண்டே களமிறங்கி வார்னருடன் இணைந்தார். இருவரும் சீராக ரன்களை சேர்த்ததால், ஸ்கோர் வேகமாக உயர்ந்தது. வார்னர் 38 பந்துகளில் அரைசதம் அடித்தார். 10 ஓவர்களில் சன்ரைசர்ஸ் அணி ஒருவிக்கெட் இழப்புக்கு 103 ரன்கள் சேர்த்தது.

அஸ்வின் வீசிய 17-வது ஓவர் திருப்புமுனையாக அமைந்தது. 36 ரன்கள் சேர்த்த நிலையில் ஷமியிடம் கேட்ச் கொடுத்து மணிஷ் பாண்டே ஆட்டமிழந்தார். அடுத்த இரு பந்துகளில் , ரஹ்மானிடம் கேட்ச் கொடுத்து 81 ரன்களில் வார்னர் வெளியேறினார்.

கடைசி 5 ஓவரில் 5 விக்கெட்

இருவரும் சென்றபின் விக்கெட்டுகள் விரைவாக விழுந்தன. முஜிப்பூர் வீசிய 18-வது ஓவரில் வில்லியம்ஸன் ஒரு சிக்ஸர், பவுண்டரியும், முகமது நபி ஒரு சிக்ஸர்,பவுண்டரியும் அடித்து நொறுக்கினார்கள்.

ஷமி வீசிய 19-வது ஓவரில் வில்லியம்ஸன் 14 ரன்னில் முருகன் அஸ்வினிடம் கேட்ச் கொடுத்தார், அடுத்து இரு பந்துகளில் முகமது நபி 20 ரன்னில் போல்டாகி வெளியேறினார்.

அர்ஷ்தீப் வீசிய கடைசி ஓவரில் ரஷித் கான் ஒரு ரன்னில் ஆட்டமிழந்தார். விஜய் சங்கர் 7 ரன்னிலும், அபிஷேக் சர்மா 5 ரன்னிலும் ஆட்டமிழக்காமல் களத்தில் இருந்தனர். கடைசி 5 ஓவர்களில் 5 விக்கெட்டுகளை சன்ரைசர்ஸ் அணி இழந்தாலும், ஏறக்குறைய 73 ரன்களைச் சேர்த்தது.

20ஓவர்கள் முடிவில் 6 விக்கெட் இழப்புக்கு 213 ரன்கள் சேர்த்தது சன்ரைசர்ஸ் அணி. பஞ்சாப் அணித் தரப்பில் ஷமி, அஸ்வின் தலா 2 விக்கெட்டுகளை சாய்த்தனர்.

thehindu

பந்துவீச வந்து 2முறை வீசாதது குறித்து அஸ்வினிடம் பேசிய நடுவர் : படம் உதவி ஐபிஎல்

ஹைதராபாத்தில் நேற்று நடந்த ஐபிஎல் டி20 போட்டியின் லீக் ஆட்டத்தில் கிங்ஸ்லெவன் பஞ்சாப் கேப்டன் அஸ்வின் இருமுறை விர்திமான் சஹாவை மன்கட் அவுட் செய்ய முயற்சித்தாரா, அல்லது வார்னரின் ஸ்விச் ஹிட் முயற்சியை திசைதிருப்ப முயன்றாரா என்பது கேள்வியாக இருக்கிறது.

கிரிக்கெட் போட்டியில் ஐசிசி விதிமுறைகளின்படி மன்கட் அவுட் செய்யும் முறை ஏற்றுக்கொள்ளப்பட்ட ஒன்று என்றாலும் ஸ்பிரிட் ஆப் த கிரிக்கெட் பேட்ஸ்மேனை எச்சரித்து செய்ய வேண்டும்

தவறவிடாதீர்

வெற்றியுடன் விடைபெற்றார் வார்னர்: ப்ளே-ஆஃப் வாய்ப்பை பிரகாசப்படுத்திய சன்ரைசர்ஸ்: அஸ்வின் அணிக்கு சிக்கல்

ஆனால், இந்த ஸ்பிரிட் ஆப் தி கிரிக்கெட்டை மீறி இந்த ஐபிஎல் சீசனில் கிங்ஸ்லெவன் பஞ்சாப் அணியின் கேப்டன் அஸ்வின், ராஜஸ்தான் ராயல்ஸ் பேட்ஸ்மேன் ஜோஸ் பட்லரை ஆட்டமிழக்கச் செய்தது சர்ச்சையை ஏற்படுத்தியது. ஜோஸ் பட்லரை எச்சரிக்காமல் மன்கட் அவுட் செய்த அஸ்வினின் செயல் விதிகளின்படி சரியென்றாலும், தார்மீக அடிப்படையில் தவறாக பார்க்கப்படுகிறது. அதேபோல கடந்த 21-ம் தேதி டெல்லி அணிக்கு எதிராக ஷிகர் தவணை மன்கட் அவுட் செய்ய முயன்ற அஸ்வின் முயற்சித்தார். அப்போது அது தோல்வியில் முடியவே தவணின் கிண்டலுக்கு ஆளாகினார்.

அஸ்வினிடம் பேசிய நடுவர் : படம்உதவி ஐபிஎல் 

இதனால், இந்த ஐபிஎல் சீசனில் மன்கவுட் முறை என்பது அஸ்வின் மீது பெரும் விமர்சனங்களையும் ஃபேர் கிரிக்கெட் அணி என்பதிலும் மோசமான இடத்தைப் பிடித்துள்ளது.

மும்பை இந்தியன்ஸ் வீரர் குர்னல் பாண்டியாவுக்கு இதேபோன்ற மன்கட் அவுட் செய்ய வாய்ப்பு கிங்ஸ்லெவன் பஞ்சாப் அணிக்கு எதிராக கிடைத்தது. ஆனால், அப்போது பஞ்சாப் அணியின் மயங்க் அகர்வாலை எச்சரித்து அனுப்பினார் குர்னல் பாண்டியா. இது அனைவராலும் பாராட்டப்பட்டது.

இதைபோன்ற மன்கட் அவுட் சம்பவத்தை ஹைதராபாத்தில் நேற்று நடந்த சன்ரைசர்ஸ் அணிக்கு எதிரான ஆட்டத்திலும் அரங்கேற்ற அஸ்வின் முயன்றார். டேவிட்வார்னரும், சாஹாவும் தொடக்கத்தில் இருந்தே அடித்து விளையாடினர். இவர்களைப் பிரிக்க முயன்றும் முடியவில்லை.

6-வது ஓவரை அஸ்வின் வீசினார். அந்த பந்தை வார்னர் எதிர்கொண்டார். முதல் பந்தில் சிக்ஸர் விளாசினார் வார்னர். 2-வது பந்தை வீச ஓடி வந்த அஸ்வின், ஸ்டெம்ப் அருகே வந்ததும் நின்றுவிட்டார். ஆனால், அப்போது சாஹா கிரீஸ்க்குள் இருந்தார். இதனால் அமைதியாகச் சென்றுவிட்டார் அஸ்வின்.

4-வது பந்தைவீச அஸ்வின் வீச ஓடிவந்தார். அப்போது கிரீஸ் அருகே வந்ததும் அஸ்வின் நின்றுவிட்டு சாஹாவைவின் கிரீஸைப் பார்த்தார் அப்போது சாஹா கிரீஸுக்குள் இருந்தார். மீண்டும் அமைதியாகச் செல்லவே, நடுவர் அஸ்வினை அழைத்து, பந்துவீச வந்து பாதியிலேயே இரு முறை செய்வது குறித்து கேட்டறிந்தார்.

அஸ்வின் செயல்பாடு விர்திமான் சாஹாவை மன்கட் அவுட் செய்ய பந்துவீசாமல் பாதியிலேயே நின்றாரா அல்லது, வார்னர் ஸ்விட் ஹிட் ஷாட் அடிப்பதை திசைதிருப்ப அவ்வாறு செய்தாரா என்பது தெரியவில்லை. ஆனால், அஸ்வின் பாதியிலேயே நின்ற இரு தருணத்திலும் சாஹா கிரீஸுக்குள்தான் இருந்தார் என்பது குறிப்பிடத்தக்கது.

அஸ்வினின் நேற்றைய செயலை நெட்டிசன்கள் கடுமையாக விமர்சித்து வருகின்றனர். " இது விதமான அவுட் ஆக்கும் முறையா அஸ்வின். இது சரியான வழியில் விளையாடும் கிரிக்கெட் அல்ல" என்று சிலர் தெரிவித்துள்ளனர்.

" அஸ்வின் அனைத்தையும் மறந்துவிட்டாரா, அவரைப் பற்றி என்ன நினைத்துக்கொண்டிருக்கிறார். தோனியுடன் இணைந்து அஸ்வின் கிரிக்கெட் விளையாடினார் என்பதை நம்பமுடியவில்லை. மோசமான அணுகுமுறை" என்று விமர்சித்துள்ளனர். பேட்ஸ்மேன்களை ஆட்டமிழக்கும் கோழைத்தனமான முயற்சி என்று கடுமையாக அஸ்வின் செயலை விமர்சித்துள்ளனர்.

பேஸ்புக் சமூக வலைத்தளத்தின் அதிபர் மார்க் ‌ஷகர் பெர்க் தனது மனைவி இடையூறு எதுவும் இன்றி தூங்குவதற்கு ஒளிரும் மரப் பெட்டி ஒன்று தயாரித்துள்ளார். 


இறந்த மனைவிக்காக முகலாய பேரரசர் ஷாஜகான் தாஜ்மகாலை கட்டினார். ஆனால் பேஸ்புக் சமூக வலைத்தளத்தின் அதிபர் மார்க் ‌ஷகர் பெர்க் உயிருடன் இருக்கும் தனது மனைவிக்காக மரப் பெட்டி ஒன்று தயாரித்துள்ளார்.

மார்க் ஷூகர் பெர்க்கின் மனைவி பிரிஸ்சில்லா. இரவு நேரத்தில் இவர் இடையூறு எதுவும் இன்றி தூங்க வசதியாக ஒளிரும் தன்மை வாய்ந்த மரப்பெட்டி தயாரிக்கிறார். தூங்கும் போது அந்த பெட்டிக்குள் செல்போன் கொண்டு செல்ல முடியாது.

காலை 6 மணிக்கும், 7 மணிக்கும் அந்த பெட்டி மங்கலா ஒளியை உமிழ்கிறது. காலையில் அவர் கண் விழித்து எழ வசதியாக 6 மணி மற்றும் 7 மணிக்கு பெட்டியில் இருந்து மங்கலான ஒளி கிளம்புகிறது. ஏனெனில் அப்போதுதான் ஷுகர்பெர்க்கின் மகள்கள் தூங்கி எழுந்து கண் விழிப்பார்கள்.

இந்த பெட்டி தங்களது நண்பர்கள் மத்தியிலும் பிரபலமாகி விட்டது என ஷூகர்பெர்க் தெரிவித்துள்ளார். பொதுமக்கள் பயன்படுத்தும், வகையில் பிரபலப்படுத்த உள்ளதாகவும் அவர் கூறினார்.


கடந்த உயிர்த்த ஞாயிறு தினத்தன்று மேற்கொள்ளப்பட்ட தீவிரவாத தாக்குதலை தொடர்ந்து சமூக வலைத்தளங்கள் மீது விதிக்கப்பட்டிருந்த தடையை உடனடியாக நீக்குமாறு ஜனாதிபதி மைத்திரிபால சிறிசேன , தொலைத்தொடர்பு ஒழுங்குமுறை ஆணையத்தின் பணிப்பாளர் நாயகத்திற்கு ஆலோசனை வழங்கியுள்ளார்.


இந்த தடை நீக்கப்பட்டாலும் நாட்டின் தற்போதைய சூழ்நிலையை கருதி சமூக வலைத்தள பயன்பாட்டின் போது பொறுப்புடன் செயற்படுமாறு அரசாங்கம் பொதுமக்களிடம் கோரியுள்ளது.


உயிர்ந்த ஞாயிறு தினத்தன்று மேற்கொள்ளப்பட்ட பயங்கரவாத தாக்குதலை தொடர்ந்து சமூக வலைத்தளங்கள் ஊடாக பல்வேறு தவறான செய்திகள் பகிரப்படுவதை தடுக்கும் நோக்கில் பேஸ்புக் , வைஃபர் மற்றும் வட்ஸ்எப் உள்ளிட்ட சமூக வலைத்தளங்களுக்கு பிரவேசிப்பதை கடந்த 21ம் திகதி பிற்பகல் முதல் தற்காலிகமாக தடை செய்ய அரசாங்கம் தீர்மானித்திருந்தமை குறிப்பிடத்தக்கது.

கிங்ஸ் லெவன் பஞ்சாப் அணிக்கு எதிராக நேற்று இடம்பெற்ற ஐபிஎல் தொடரின் போட்டியில், சன்ரைசர்ஸ் ஹைதராபாத் அணி 45 ஓட்டங்களால் வெற்றி பெற்றது.


இந்த போட்டியில் முதலில் துடுப்பாடிய சன்ரைசர்ஸ் அணி 20 ஓவர்களில் 6 விக்கட்டுகளை இழந்து 212 ஓட்டங்களைப் பெற்றுக் கொண்டது.


டேவிட் வோர்னர் 56 பந்துகளில் 81 ஓட்டங்களைப் பெற்றுக் கொடுத்தார்.


பதிலளித்தாடிய கிங்ஸ் லெவன் பஞ்சாப் அணி, 20 ஓவர்களில் 8 விக்கட்டுகளை இழந்து 167 ஓட்டங்களை மாத்திரமே பெற்று தோல்வி கண்டது.


ஆட்ட நாயகனாக டேவிட் வோர்னர் தெரிவானார்.


இதேவேளை, உலக கிண்ண கிரிக்கட் தொடருக்கான குழாமில் இணைக்கப்பட்டுள்ள பாகிஸ்தானிய வீரர் சொஹைப் மலிக்கிற்கு அந்த நாட்டின் கிரிக்கட் சபை 10 நாட்கள் விடுமுறை வழங்கியுள்ளது.


அவரது தனிப்பட்ட பிரச்சினைகளை தீர்த்துக்கொள்வதற்காக இந்த விடுமுறை வழங்கப்பட்டிருப்பதாக பாகிஸ்தான் கிரிக்கட் சபை தெரிவித்துள்ளது.


எனினும் உண்மையான காரணம் கூறப்படவில்லை.


இந்த நிலையில் இங்கிலாந்து அணிக்கு எதிராக இந்தவாரம் நடைபெறவுள்ள 20க்கு20 கிரிக்கட் போட்டி மற்றும் முதலாவது ஒருநாள் போட்டியிலும் அவர் விளையாடமாட்டார் என்று அறிவிக்கப்பட்டுள்ளது.


எனினும் இங்கிலாந்துக்கு எதிரான இரண்டாவது ஒருநாள் போட்டியில் அவர் பாகிஸ்தான் அணியுடன் இணைந்துக் கொள்வார் என்றும் நம்பப்படுகிறது.

HIRU NEWS


பாராளுமன்றில் இருக்கும் 226 பேரும் புற்று நோயால் பாதிக்கப்பட்ட மக்களுக்காக தங்களது ஒருமாத சம்பளத்தை தியாகம் செய்ய முன்வரவேண்டும்.

அனுராதபுர மாவட்ட பாராளுமன்ற உறுப்பினர் இஷாக் ரஹுமான்.

புற்றுநோயால் பாதிக்கப்பட்ட மக்களுக்காக எனது ஒரு மாத சம்பளத்தை தியாகம் செய்கின்றேன். அதேபோல் ஜனாதிபதி உட்பட பாராளுமன்றில் இருக்கும் 226 பேரும் தங்களது ஒரு மாத சம்பளத்தை புற்றுநோயால் பாதிக்கப்பட்ட மக்களுக்காக தியாகம் செய்ய முன்வரவேண்டும் என பாராளுமன்ற உறுப்பினர் இஷாக் ரஹுமான் தெரிவித்தார்.


கம்பெரலிய செயற்றிட்டத்தினூடாக அனுராதபுர மாவட்ட பாராளுமன்ற உறுப்பினர் இஷாக் ரஹுமானினால் மேற்கொள்ளப்பட்ட நிதியோதுக்கீட்டின் கீழ் இப்பொலோகம பிரதேச செயலகத்திற்கு உட்பட்ட பலளுவெவ ஜும்மா பள்ளியின் மேல்மாடிக்கட்டிட வேலைகள் நடைபெற்று வருகின்றது. குறித்த வேலை தளத்திற்கு நேரடியாக சென்று மேற்பார்வை செய்த பாராளுமன்ற உறுப்பினர் இஷாக் ரஹுமான் அங்கு அங்கு கருத்து தெரிவிக்கையில்,

இலங்கை புற்று நோய் மருத்துவமனைக்கு தேவையான 100 கோடி ரூபாய் பெறுமதியான இயந்திரங்களை கொள்வனவு செய்து குறித்த மருத்துவமனைக்கு வழங்குவதற்காக நாடு பூராகவும் உள்ள முஸ்லிம் சகோதரர்கள் ஒன்றிணைந்து அதற்கான நிதியினை திரட்டும் பணியில் ஈடுபட்டு வருகின்றார்கள். அனுராதபுர மாவட்ட பாராளுமன்ற உறுப்பினராகிய நான் அனுராதபுர மாவட்டத்தில் சிறுநீரக நோயால் பாதிக்கப்பட்ட மக்களுக்காக எனது பாராளுமன்ற சம்பளத்தை ஒதுக்கி வருகின்றேன். எனது ஒரு மாத சம்பளத்தின் அளவை எனது சொந்த நிதியிலிருந்து புற்று நோய் வைத்தியசாலைக்கு தேவைப்படும் அந்த இயந்திரத்தினை கொள்வனவு செய்வதற்காக ஒதுக்கீடு செய்கின்றேன்.

அதேபோல் என்னோடு பாராளுமன்றில் இருக்கும் ஜனாதிபதி உட்பட 226 பேரிடமும் நான் வேண்டுகோள் விடுக்கின்றேன். நீங்களும் இதுபோன்று உங்களது ஒரு மாத பாராளுமன்ற சம்பளத்தை புற்றுநோயால் பாதிக்கப்பட்ட மக்களுக்காக தியாகம் செய்ய முன்வரவேண்டும்.

அதேபோல் நாட்டின் பல பாகங்களிலும் வசிக்கும் சகல இன மக்களிடமும் வேண்டுகோள் விடுக்கின்றேன். இன, மத, குல பேதங்களை மறந்து எமது நாட்டு மக்களை பாதுகாப்போம் என்ற எண்ணத்தோடு தங்களால் முடிந்த அளவு உதவியினை இப்புற்று நோயால் பாதிக்கப்பட்ட மக்களுக்காக செய்ய முன் வாருங்கள். எமது இச்செயற்பாட்டால் எத்தனையோ உயிர்கள் காப்பாற்றப்படும் என்பதில் எவ்வித ஐயமுமில்லை. என தெரிவித்தார்.











புதுடெல்லி: டெல்லி அணிக்கு எதிரான போட்டியில், மும்பை அணி வெற்றி பெற்று பட்டியலில் இரண்டாவது இடத்தை பிடித்துள்ளது. 

ஐபிஎல் தொடரின் 34-வது லீக் போட்டியில் டெல்லி கேப்பிடல்ஸை மும்பை இண்டியன்ஸ் அணி நேரடியாக எதிர்கொண்டது. டெல்லி ஃபெரோஷ் ஷா கோட்லா மைதானத்தில் நேற்று நடந்த இந்தப் போட்டியில் நடைபெற்றது. டாஸ் வென்ற மும்பை அணி பேட்டிங்கை தேர்வு செய்தது. 

தொடக்க ஆட்டக்காரர்களாகக் களமிறங்கிய ரோகித் சர்மாவும் 35 ரன்னும் டி காக்கும் சிறப்பான ஆட்டத்தை வெளிப்படுத்தினர். அதில் ரோகித் சர்மா, டி காக் இருவரும் 35 ரன்கள் எடுத்து அவுட்டானார்கள். இதையடுத்து ஆடிய ஹர்திக் பாண்ட்யாவும் குணால் பாண்ட்யாவும் அதிரடியாக ஆடி பட்டையைக் கிளம்பினர். ஹர்திக் பாண்ட்யா 32 ரன் எடுத்து கடைசி ஓவரில் ஆட்டமிழக்க குணால் பாண்ட்யா 37 ரன்னுடன் ஆட்டமிழக்காமல் இருந்தார். இறுதியில் மும்பை அணி 20 ஓவர் முடிவில் 5 விக்கெட் இழப்புக்கு 168 ரன்கள் எடுத்தது.

இதையடுத்து களமிறங்கிய டெல்லி அணியின் தொடக்க வீரர்கள் சரியான முறையில் ஆட்டத்தைத் தொடங்கிய பிருத்வி ஷாவும் ஷிகர் தவானும் சிறப்பாக ஆடினர். அதில் பிருத்வி ஷா 20ரன்னும், ஷிகர் தவான் 35 ரன்னும் எடுத்தனர். ஆனால் அவர்களைத் தொடர்ந்து ஆடிய மற்ற வீரர்கள் சொற்ப ரன்களில் ஆட்டமிழக்க, 20 ஓவர் முடிவில் டெல்லி அணி 9 விக்கெட் இழப்புக்கு 128 ரன் எடுத்தது. 

இதனால் மும்பை அணி 40 ரன் வித்தியாசத்தில் வெற்றி பெற்றது. இதுவரை மும்பை அணி ஆடிய 9 போட்டியில் இது அந்த அணியின் 6 வது வெற்றியாகும். 


நாவலபிட்டி கலபொட நீர்வீழ்ச்சியை பார்வையிட சென்ற பாடசாலை மாணவர் ஒருவர் நீரில்
இழுத்துச் செல்லப்பட்டு உயிரிழந்துள்ளார்.
கம்பளை பகுதியை சேர்ந்த 18 வயதான மாணவரே இவ்வாறு உயிரிழந்துள்ளார்.




நேற்று மாலை 3.00 மணியளவில் தனது காதலியுடன் குறித்த மாணவர் அங்கு நீராட சென்றுள்ளதாக காவல்துறை தெரிவித்துள்ளது.

இதன்போது அவர்கள் இருவரும் நீராடும் வேளை அந்த மாணவர் திடீரென நீரில் இழுத்துச் செல்லப்பட்டு காணால் போயுள்ளார்.

மேலதிக வகுப்பிற்கு செல்வதாக கூறிவிட்டு இருவரும் குறித்த நீர்வீழ்ச்சியை பார்வையிட வந்துள்ளதாக தெரியவந்துள்ளது.

உயிரிழந்துள்ள மாணவனின் சடலத்தை தேடும் நடவடிக்கையில் கடற்படையினர் ஈடுபட்டுள்ளதாக எமது செய்தியாளர் தெரிவித்துள்ளார்.

சம்பவம் தொடர்பான மேலதிக விசாரணைகளை நாவலபிட்டி காவல்துறை மேற்கொண்டு வருகிறது.

Mohamed Web Solution

தொடர்பு படிவம்

பெயர்

மின்னஞ்சல் *

செய்தி *

Blogger இயக்குவது.
Javascript DisablePlease Enable Javascript To See All Widget